(தொ-ரை.) பன்னகவேணிப் பரமர் தண்டலையார் நாட்டில்உள
பலரும் கேளீர் - அரவணிந்த சடைப் பெருமானார் தண்டலை - யிறைவரின்
நாட்டில் வாழும் யாவரும் கேண்மின்!,  தன்  அறிவு  தன்  நினைவு  தன்
மகிமைக்கு  ஏற்ற  நடை  தகுமே  அல்லால் - தன்  அறிவுக்கும் தன்
சிந்தனைக்கும் தன்   பெருமைக்கும்  தக்க  ஒழுக்கம்  ஏற்குமே  அன்றி,
சின்னவரும் பெரியவர் போலே நடந்தால் உள்ளது போம் - எளியவரும்
ஆற்றலுடையார் போல நடந்தால் உள்ளதும் போய்விடும், (அது மேலும்),
சிறிய காகம் அன்னநடை நடக்கப்போய்த் தன்நடையும் கெட்டவகை ஆகும்
- இழிந்த காகம்   உயர்ந்த அன்னத்தைப்போல  நடக்கத்  தொடங்கித் தன்
நடையையும் இழந்தவாறு முடியும்.

      (வி-ரை.) ‘விரலுக்குத் தக்க வீக்கம்' எனவும் ‘அன்னநடை
நடக்கப்போய்த் தன்நடையும் கெட்டது' எனவும்  பழமொழிகள்
வழங்குகின்றன.