(தொ-ரை.) பார்ஆளும் தண்டலைநீள் நெறியாரே - உலகைக்
காக்கும் தண்டலைநீள் நெறியாரே!, பேரான கவிராசருடன் சிறிய கவிகளும்
ஓர் பிரபந்தம் செய்வார் - புகழ்பெற்ற கவியரசருடன் சிறு கவிஞரும் ஒரு
நூல் எழுதுவர்; வீராதி வீரருடன் கோழைகளும் வாள்பிடித்து விருது
சொல்வார் - பெருவீரர்களுடன் வீரமற்றவர்களும் வாளேந்தி வெற்றி
யிசைப்பர்; இருவரையும் பகுத்துக் காணில் - இருவரையும் ஒப்பிட்டுப்
பார்த்தால், ஆராயும் மகாதேவர் ஆடு இடத்துப் பேய்களும் நின்று ஆடும்
ஆறே - (பெரியோர்) ஆராய்ச்சி செய்யும் சிவபெருமான் ஆடும் இடத்திலே
பேய்களும் நின்று ஆடுவது போலாம்.

      (வி-ரை.)  எல்லோரும்  பெருவீரராகவும்  எல்லோரும்
பெருங்கவிஞராகவும்  இருத்தல்  இயலாது.  மேலும்  பெருவீரர்
இருப்பதனாலேயே மற்றவரும் போர்செய்யப் போகாமல் இருக்க முடியாது.
பெரும் புலவரைக் கண்டு சிறுபுலவர் கவிசெய்யாமல் இருத்தலும் இயலாது.
இருதிறத்தாரும் கலந்திருப்பதே உலகியல்.

      (தொ-ரை.) செழுங்கள்ளி நிறை சோலைத் தண்டலை நிள்நெறியாரே
- வளம் பொருந்திய கள்ளிகள் நிறைந்த சோலைகளையுடைய தண்டலைநீள்
நெறியாரே!, திருடிக்கொண்டு எழும் கள்ளர் நல்ல கள்ளர் - திருடிக்கொண்டு
செல்லும் கள்ளரெல்லாரும் நல்ல கள்ளர்களே; இனி பொல்லாத கள்ளர்
யாரோ என்றால் - எனின், தீய கள்ளர் யாரென