(வி-ரை.) ஆசாரக்  கள்ளர்  ஒழுக்கம்  உடையார்போல  நடித்து
மக்களை நம்பச்செய்து ஏமாற்றுவதால் இவர்களைக்  கண்டு  பிடித்தல் அரிது.
இவர்களால் ஒழுக்கமுடையோரும் மக்களால் நம்பப்படார். ஆகையால்
வெளிப்படையாகத் திருடரெனப் பெயர்  பெற்றோர்  நல்லவராகவும் இவர்
தீயராகவும்  கொள்ளப்பட்டனர். கொழுங்கள்ளர் : செல்வம்  இருந்தும்
இல்லார்போல நடித்திடுவோர். மற்று, நல்ல தோற்றமுடையராகக் காணப்பட்டு
மக்களை ஏமாற்றுவோர் எனினும் ஆம்.

      (தொ-ரை.) தனத்திலே மிகுந்த செழுந்தண்டலையார் பொன்னி வளம்
தழைத்த நாட்டில் - செல்வத்திலே சிறப்புற்ற வளமிக்க தண்டலையாருடைய
காவிரியின் வளங்கொழிக்கும் நாட்டிலே, இனத்திலே மிகும் பெரியோர் மனம்
வாக்கு ஒன்று ஆகி எல்லாம் செய்வார் - நட்பிலே சிறந்த பெரியோர்கள்
நினைவும் சொல்லும் ஒன்றுபட்டு யாவற்றையும் இயற்றுவார்கள்; சினத்திலே
மிகும் சிறி