(தொ-ரை.) தண்டலைவாழ்  அருபயிலும்  சிவன்  அடியார் -
தண்டலையில்  எழுந்தருளிய  அருவமாகிற  சிவபிரான்  தொண்டர்கள்,
எக்குலத்தார் ஆனால்  என்ன - எந்தக்  குலத்தவரானாலும் குறையில்லை,
உரு  பயிலும்  திருநீறும்  சாதனமும்  கண்டவுடன் - வடிவிலே  விளங்கும்
திருநீற்றினையும் மற்றைச் சின்னங்களையும் பார்த்தவுடன், உகந்து போற்றி
இருப்பதுவே முறைமை அல்லால் - சிறப்பித்து வாழ்த்தி யிருப்பதே தகுதி
யன்றி, ஏழை என்றும் சிறியர் என்றும் இகழ்ந்து கூறின் - வறியவரெனவும்
உருவத்திலும் அறிவிலும் சிறியவர் எனவும் பழித்துரைத்தால், நெருப்பினையே
சிறிது என்று முன் தானை தனில் முடிய நினைந்த ஆறு - தீயின் வடிவம்
சிறியது என எண்ணி முன் தானையில் முடியநினைத்தற்குச் சமமாகும்.

      (வி-ரை.) அரு : உருவமில்லாத நிலை. சாதனம் : சிவ
வழிபாட்டுக்குரிய சின்னங்கள். உகப்பு - உயர்வு (சிறப்பு). ‘நெருப்பைச்
சிறிதென்று நினைக்கலாமா!' என்பது பழமொழி.