(தொ-ரை.) மால் அறியாத் தண்டலைநீள் நெறியாரே - திருமாலும்
அறியாத தண்டலைநீள் நெறியாரே!, ஆலமரம் பழுத்தவுடன் பறவையின்பால்
எவரே சீட்டு அனுப்புவார் - ஆலமரம் பழுத்தாற் பறவைகள் வரவேண்டும்
என்று சீட்டனுப்புவோர் யார்? (அவ்வாறே), ஞாலம் உறு நல்லவர்க்குச்
செல்வம் வந்தால் - உலகில் உள்ள நல்லோர்களுக்குச் செல்வம் கிடைத்தால்,
நாவலோர்க்கும் எல்லவர்க்கும் - புலவர்களுக்கும் இரவலர் முதலிய
யாவருக்கும், காலம் அறிந்து அருமையுடன் பெருமை அறிந்து - காலமும்
அருமையும் பெருமையும் உணர்ந்து, உதவி செய்து கனமே செய்வார் -
பொருள் கொடுத்துப் பெருமைப் படுத்துவார்கள்; அவரிடத்தே யாரும்
வருவார் - அவரிடம் எல்லோரும் வருவார்கள்.

      (வி-ரை.) ‘மரம் பழுத்தால் வௌவாலை வாவென்று கூவி,
இரந்தழைப்பார் யாவரும் அங்கில்லை' - என்பது இங்கு ஒப்பிடத்தக்கது.