(தொ-ரை.) எடுத்த  விடைக் கொடியாரே - இடபக்கொடி
உயர்த்தவரே! தண்டலையாரே! அடுத்த மனைதொறும் புகுவாள் - அயல்
வீடுகளிலெல்லாம் நுழைவாள், கணவன் உணும் முனம் உண்பாள் - கணவன்
உண்பதற்குமுன்  உண்பாள்,  அடக்கம்  இல்லாள் - அடங்கியிராள்,
கடுத்தமொழி  பேசிடுவாள்- வெறுப்பாகவே  உரையாடுவாள், சிறுதனம்
தேடுவள் - (தனியே) சிறு சேமிப்புச் செய்வாள், இவளைக் கலந்து வாழ்தல்
எவர்க்கும் இன்பம் ஆமோ- இவளைக்  கூடி வாழ்வது  யாருக்குத்  தான்
மகிழ்ச்சியா யிருக்கும்?, குடித்தனமே கெடவேண்டிப் பிடாரிதனைப் பெண்டு
வைத்துக் கொண்டது. ஆம் - குடிகெடுவதற்குப் பிடாரியை மனைவியாகக்
கொண்டதாகும் அச் செயல்.

      (வி-ரை.) சிவபிரானுக்குரியது விடைக்கொடி. பிடாரி - காளி. இவள்
சிவனுடன்  வாதாடினாள்  என்று கூறுவதால், அடங்கா  மனைவியை,
‘அடங்காப்பிடாரி' யெனல் மரபு.

      (தொ-ரை.) வளைத்த மலையெனும் சிலையார் தண்டலை சூழ்தரும்
உலக வழக்கம் பாரீர் - வளைந்த மலையாகிய வில்லேந்திய சிவபெருமான்
தண்டலையைச் சூழ்ந்த உலகத்தின் வழக்கத்தைப் பாருங்கள்!, தம் மனையில்
பெண்டீரைக் கண்டு ஒளித்திடுவர்; அவரும் ஒன்றும் பேசார் - செல்வ
வலிமையுடையோர் வீட்டில் உள்ள பெண்களைக்