பாங்கி தமர்வரைவு  எதிர்ந்தமை  தலைவிக்கு உணர்த்தல் என்பது; பாங்கி
தலைவன்  றமர்  மணங்கூறி   வந்துழித்   தலைவி   தமர்மணம்   எதிர்ந்தமை
தலைமகட்குக் கூறல். 

     (இ-ள்.) பசிய  பொன்னாற்செய்த  மேகலையணிந்த பாம்பின் படம் போலும்
அல்குலையும் வெள்ளிய நகையையும் உடையாய்! தஞ்சைவாணன்  தமிழ்நிலத்தின்
மணிப்பாலிகையின்   முத்தம்  வைத்தாற்போல  அடம்பமலரில்   நெடிய  திரை
தூவப்பட்ட நிரையாய்ப் பரந்த திவலை தோன்றுந்  துறைவர்  தமக்கு  அணியால்
நமர் மணமெதிர்ந்து பாரநின் வேட்கைநோய் தணிக்கும் பொருட்டு முரசறைந்தார்;
அம்முரசொலி கேட்பாயாக என்றவாறு.