45. தாழ்வும் உயர்வுபெறும்

வெகுமானம் ஆகிலும் அவமானம் ஆகிலும்
     மேன்மையோர் செய்யின் அழகாம்!
  விரகமே ஆகிலும் சரசமே ஆகிலும்
     விழை மங்கை செய்யின் அழகாம்!
தகுதாழ்வு வாழ்வு வெகு தருமங்களைச் செய்து
     சாரிலோ பேரழகு அதாம்!
  சரீரத்தில் ஓர் ஊனம் மானம் எதுவாகிலும்
     சமர் செய்து வரில் அழகு அதாம்?
நகம் மேவு மதகரியில் ஏறினும் தவறினும்
     நாளும் அது ஓர் அழகு அதாம்!
  நாய் மீதில் ஏறினும் வீழினும் கண்ட பேர்
     நகை செய்து அழகன் என்பர் காண்!
அகம் ஆயும் நற்றவர்க்கு அருள் புரியும் ஐயனே!
     ஆதியே! அருமை மதவேள்
  அனுதினமும் மனதில் நினைதரு சதுர கிரிவளர்
     அறப்பளீசுர தேவனே!