50. முழுக்குநாள்

வரும் ஆதி வாரம் தலைக்கு எண்ணெய் ஆகாது
     வடிவ மிகும் அழகு போகும்;
  வளர் திங்ளுக்கு அதிக பொருள் சேரும்; அங்கார
     வாரம் தனக்கு இடர் வரும்
திரு மேவு புதனுக்கு மிகு புத்தி வந்திடும்;
     செம்பொனுக்கு உயர் அறிவுபோம்;
  தேடிய பொருள் சேதம் ஆம் வெள்ளி; சனி எண்ணெய்
     செல்வம் உண்டு ஆயுள் உண்டாம்;
பரிகாரம் உளது ஆதி வாரம் தனக்கு அலரி;
     பௌமனுக்கான செழுமண்
  பச்சறுகு பொன்னவற்கு ஆம்; எருத்தூள் ஒளிப்
     பார்க்கவற்கு ஆகும் எனவே;
அரிதுஆ அறிந்த பேர் எண்ணெய் சேர்த்தே முழுக்கு
     ஆடுவார்; அருமை மதவேள்
  அனுதினமும் மனதில் நினைதரு சதுர கிரிவளர்
     அறப்பளீசுர தேவனே!