64. சகுனம் - 3

தலைவிரித்து எதிர் வருதல், ஒற்றைப் பிராமணன்,
     தவசி, சந்நாசி, தட்டான்,
  தனம் இலா வெறுமார்பி, மூக்கறை, புல், விறுகுதலை,
     தட்டை முடி, மொட்டைத் தலை,
கலன் கழி மடந்தையர், குசக்கலம், செக்கான்,
     கதித்ததில தைலம், இவைகள்
  காண எதிர் வரஒணா; நீர்க்குடம், எருக்கூடை,
     கனி, புலால் உபய மறையோர்
நலம் மிகு சுமங்கலை, கிழங்கு, சூதக மங்கை
     நாளும் வண்ணான் அழுக்கு
  நசை பெருகு பாற்கலசம், மணி, வளையல் மலர் இவைகள்
     நாடி எதிர் வர நன்மையாம்;
அலை கொண்ட கங்கை புனை வேணியாய்! பரசு அணியும்
     அண்ணலே! அருமை மதவேள்
  அனுதினமும் மனதில் நினைதரு சதுர கிரிவளர்
     அறப்பளீசுர தேவனே!