71. தீவும் கடலும்

நாவலந் தீவினைச் சூழ்தரும் கடல் அளவு
     லட்சம் யோசனை; இதனையே
  நாள்தொறும் சூழ்வது இலவந்தீவு; அதைச் சூழ்தல்
     நல்கழைச் சாற்றின் கடல்;
மேவும் இது சூழ்வது குசத்தீவு அதைச் சூழ்தல்
     மிகும் மதுக்கடல்; அதனையே
  விழைவொடும் சூழ்தல் கிரவுஞ்சதீவம் இதனின்
     மேற்சூழ்தல் நெய்க்கடலது ஆம்;
பூவில்இது சூழ்தல் சாகத்தீவம்; இங்கு இதைப்
     போர்ப்பது திருப்பாற் கடல்;
  போவதது சூழ்தல் சான்மலி தீவம் ஆம்; தயிர்ப்
     புணரி அப்பாலும் அப்பால்
ஆவலுறு புட்கரத் தீவாம் இதைச் சூழ்வ
     தரும்புனற் அருமை மதவேள்
  அனுதினமும் மனதில் நினைதரு சதுர கிரிவளர்
     அறப்பளீசுர தேவனே!