82. அரசர் சிறப்பு

மனுநீதி முறைமையும், பரராசர் கொண்டாட
     வரும் அதிக ரண வீரமும்,
  வாள் விசயமொடு சரச சாதன விசேடமும்,
     வாசி மதகரி ஏற்றமும்,
கனமாம் அமைச்சரும், பலமான துர்க்கமும்,
     கைகண்ட போர்ப் படைஞரும்,
  கசரத பதாதியும், துரக ப்ரவாகமும்
     கால தேசங்கள் எவையும்
இனிதாய் அறிந்த தானா பதிகளொடு சமர்க்கு
     இளையாத தளகர்த்தரும்,
  என்றும் வற்றாத தன தானிய சமுத்திரமும்,
     ஏற்றம் உள குடி வர்க்கமும்,
அனைவோரும் மெச்ச இங்கு இவையெலாம் உடைய பேர்
     அரசராம்! அருமை மதவேள்
  அனுதினமும் மனதில் நினைதரு சதுர கிரிவளர்
     அறப்பளீசுர தேவனே!