56. வேசையர் இழிவு

பூவில் வேசிகள்வீடு சந்தைப் பெரும்பேட்டை
     புனைமலர் படுக்கைவீடு
  பொன்வாசல் கட்டில்பொது அம்பலம் உடுத்ததுகில்
     பொருவில் சூதாடுசாலை
மேவலாகியகொங்கை கையாடு திரள்பந்து
     விழிமனம் கவர்தூண்டில்ஆம்
  மிக்கமொழி நீர்மேல் எழுத்துஅதிக மோகம் ஒரு
     மின்னல் இருதுடைசர்ப்பம்ஆம்
ஆவல்ஆகிய அல்குலோதண்டம் வாங்கும்இடம்
     அதிக,படம் ஆம்மனதுகல்
  அமிர்தவாய் இதழ் சித்ரசாலை எச்சிற்குழி
     அவர்க்கு ஆசை வைக்கலாமோ?
மாவடிவு கொண்டே ஒளித்தஒரு சூரனை
     வதைத்தவடி வேலாயுதா!
  மயில்ஏறி விளையாடு குகனேபுல் வயல்நீடு
     மலைமேவு குமரேசனே!