76. இதற்கு இது உறுதி எனல்

கைக்குஉறுதி வேல்வில்; மனைக்குஉறுதி மனையாள்;
     கவிக்குஉறுதி பொருள்அடக்கம்
  கன்னியர் தமக்குறுதி கற்புடைமை; சொற்குஉறுதி
     கண்டிடில் சத்யவசனம்;
மெய்க்குஉறுதி முன்பின்; சபைக்குஉறுதி வித்வசனம்;
     வேசையர்க்கு உறுதிதேடல்
  விரகருக்கு உறுதிபெண்; மூப்பினுக்கு உறுதிஊண்
     வீரருக்கு உறுதிதீரம்;
செய்க்குறுதி நீர், அரும் போர்க்குஉறுதி செங்கோல்;
     செழும்படைக்கு உறுதிவேழம்;
  செல்வம் தனக்குஉறுதி பிள்ளைகள்; நகர்க்குஉறுதி
     சேர்ந்திடும் சர்ச்சனர்களாம்;
மைக்குஉறுதி ஆகிய விழிக்குறமடந்தை சுர
     மங்கை மருவும்தலைவனே!
  மயில்ஏறி விளையாடு குகனேபுல்! வயல்நீடு
     மலைமேவு குமரேசனே!