80. இது இல்லாதவர்க்கு இது இல்லை!

சார்பு இலாதவருக்கு நிலைஏது; முதல்இலா
     தவருக்கு இலாபம்ஏது;
  தயைஇலாதவர் தமக்கு உறவேது; பணமிலா
     தார்க்குஏது வேசை உறவு;
ஊர் இலாதவர் தமக்கு அரசுஏது; பசிவேளை
     உண்டிடார்க்கு குறுதிநிலைஏது
  உண்மை இல்லாதவர்க்கு அறம்ஏது முயல்விலார்க்கு
     உறுவதுஒரு செல்வம்ஏது
சோர்விலாதவருக்கு மற்றும்ஒரு பயம்ஏது?
     சுகம்இலார்க்கு ஆசைஏது?
  துர்க்குணம் இலாதவர்க்கு எதிராளி ஏது; இடர்செய்
     துட்டருக்கு இரக்கம்ஏது
மார்புஉருவ வாலிமேல் அத்திரம் விடுத்தநெடு
     மால்மருகனான முருகா!
  மயில்ஏறி விளையாடு குகனேபுல் வயல்நீடு
     மலைமேவு குமரேசனே!