(க-ரை) பொன்னுலகத்தைப் பெற விரும்புகின்ற சீலர்கள், சூரிய
சந்திர கிரகண காலங்களில் பவாநி நதி காவேரியுடன் கலக்குகிறதான
கூடுதுறையில் முழுகுகிறார்கள். அந்த வாலிப காசியான திருநண்ணாவூர்
உள்ளது கொங்கு மண்டலம் என்பதாம்.

     வரலாறு :- பவானிகூடல் திரிவேணி சங்கமமாகும். காவேரி நதியே
கங்கைநதி, பவானிநதியே யமுனை, பராசர முனிவரால் உண்டாக்கிய
ஆலயத்திலிருந்து வரும் அமுதநதியே காசிக்ஷேத்திரத்திலுள்ள பவாநி.
ஆதலால் இம்மூன்று நதிகள் கூடலே திரிவேணி சங்கம மாயிற்று. (இது
வடகரை நாடு)

                      (மேற்)

                   திருமுருகன் பூண்டி

     (க-ரை) பரவை யாரின் காதலாற் பொருளாசை கொண்ட
சுந்தரமூர்த்தி நாயனாரிடத்திற் பதிகங் கேட்க விரும்பிய திரு மூருகன்
பூண்டி எம்பெருமான், நாயனாரின் திருக்கூட்டத்தார்கள் சுமந்து கொண்டு
போகும் பொன் முடிப்புகளைப் பறித்துக்கொண்டதும் கொங்கு மண்டலம்
என்பதாம்.

     வரலாறு :- கொடுங் கோளூருக்குச் சென்று சேரமான் பெருமாள்
நாயனரால் கொடுக்கப்பெற்ற நிதிக்குவைகளைச் சுமந்து கொண்டு
அடியார்கள் முன்னடக்க, வன்றொண்டர் திருமுருகன் பூண்டிக்கு
அருகுவந்தனர். முருகாவுடையார் சிவகணங்களை வேடர் வடிவாகச்
சென்று வழிப்பறி செய்து வருமாறு