இதுவும் அது | 111. | அடிக்கழுத்தின் நெடுஞ்சிரத்தை அரிவ ராலோ | | | அரிந்தசிரம் அணங்கின்கைக் கொடுப்ப ராலோ
கொடுத்தசிரம் கொற்றவையைப் பரவு மாலோ
குறையுடலம் கும்பிட்டு நிற்கு மாலோ. |
(பொ-நி.) சிரத்தை அரிவர்; அரிந்த சிரம் கொடுப்பர்; கொடுத்த
சிரம் பரவும்; குறை உடலம் கும்பிட்டு நிற்கும்; (எ-று.) (வி-ம்.) அடிக்கழுத்து - கழுத்தின் முதலிடம். அரிவர் - அறுப்பர்.
அணங்கு-காளி. கொற்றவை - காளி. பரவும் - துதிக்கும். குறை உடலம்
-தலையற்ற உடம்பு. (15) |