தனத்தின் சிறப்புக் கூறியது | 124. | தணிதவ ளப்பிறையைச் சடைமிசை வைத்தவிடைத் | | | தலைவர்வ னத்தினிடைத் தனிநுகர் தற்குநினைத்து
அணிதவ ளப்பொடியிட்டு அடையவி லச்சினையிட்டு
அமுதமி ருத்தியசெப் பனையத னத்தினளே. |
(பொ-நி.) தலைவர் நுகர்தற்கு நினைத்து, பொடி இட்டு, இலச்சினை
இட்டு, அமுதம் இருத்திய செப்பு அனைய தனத்தினள்; (எ-று.)
(வி-ம்.) தணி-வெம்மையைக் குறைக்கின்ற; தண்ணிய எனற்பாலது
தணி என நின்றது, குளிர்ந்த என்றவாறு, தவளம், வெண்மை. விடை-எருது.
தலைவர் - சிவன். வனம் - காடு. தனி நுகர்தல் - தாமே கொள்ளுதல்.
தவளப்பொடி - வெண்ணீறு. இலச்சினை - முத்திரை. வெண்ணீறே
இலச்சினையாம் என்க. அரும்பொருளாதற் கேற்ப, முத்திரை இட்டுப்
பாதுகாக்கப்பட்டதென்றவாறு. செப்பு - செப்புக்கிண்ணம். (4) |