| உறுப்புநலங் கூறி விளித்தது | 21. | சூதளவு அளவெனும் இளமுலைத் | | | துடியளவு அளவெனும் நுண்ணிடைக்
காதளவு அளவெனும் மதர்விழிக்
கடலமு தனையவர் திறமினோ. |
(பொ-நி) இளமுலை, நுண்ணிடை, மதர்விழி (உடைய)
அமுதனையவர் திறமின்; (எ-று.)
(வி-ம்.) சூது-சூதாடு கருவி. துடி- உடுக்கை. இடை-இடுப்பு.காதை
அளாவும் அளவு எனும் மதர்விழி என்க. கடல் அமுது-திருப்பாற்கடலில்
தோன்றிய அமிழ்தம். இதனை 'அலையிடைப் பிறவா அமிழ்து' என
இளங்கோவடிகள் பாராட்டுதல் அறிக. மதர்-செருக்கு. விழி-கண்.முலை,
இடை, விழிச் சிறப்புக்கூறியவாறு. விழி காதுவரை நீண்டிருப்பது
நல்லிலக்கணம். "காதளவோடிய கலகபாதகக் கண்" என்றார்
பட்டினத்தடிகளும். |