போரின் கடுமை
 

409.	விளைகனல் விழிகளின் முளைக்கவே
	மினலொளி கனலிடை எறிக்கவே வளைசிலை யுருமென இடிக்கவே      வடிகணை நெடுமழை படைக்கவே.

     (பொ-நி.) விழிகளின் கனல் முளைக்க, கனலிடை ஒளி எறிக்க, சிலை
இடிக்க, கணை மழை படைக்க; (எ-று.) 

     (வி-ம்.) கனல்-சினத்தீ. மினல் ஒளி-மின்னல்போன்ற  ஒளி. சிலை-வில்.
உரும்-இடி. வடி-கூர்மை. கணை-அம்பு. படைக்க-உண்டாக்க. வீரர் விழிகளில்
தோன்றிய கனலில் மின்னலொளி தோன்றிய தென்க. வில் இடியையுண்டாக்க.
அம்பு மழையையுண்டாக்கின வென்க.                           (6)