குதிரையை வீழ்த்திய வீரர் இயல்பு
 

437.	அசையஉரத் தழுத்தி இவுளியை
	அடுசவளத் தெடுத்த பொழுதவை விசையமகத் தெடுத்த கொடியென      விருதர்களத் தெடுத்து வருவரே.

     (பொ-நி.)  விருதர்,    சவளத்து,    இவுளியை   உரத்து   அழுத்தி,
எடுத்தபொழுது, அவை கொடி என, எடுத்து வருவர்; (எ-று.)

     (வி-ம்.) அசைய-வருந்த.  உரம்-மார்பு. அழுத்தி-குத்தி. இவுளி-குதிரை.
அடுதல்-கொல்லுதல். சவளம்-ஈட்டி. எடுத்தல்-தூக்கிப்பிடித்தல். விசைய மகள்-
வெற்றிமகள் கொடி என - கொடி என்று கூறும்படி. என - என்று கண்டோர்
சொல்ல. விருதர்-வீரர். களம்-போர்க்களம்.                     (34)