வெற்றிகாண இருபடையும் ஒருமுகப்பட்டமை
 

444.	உபய பலமும்வி டாது வெஞ்சமம்
	உடலு பொழுதினில் வாகை முன்கொள அபயன் விடுபடை ஏழ்க லிங்கமும்      அடைய ஒருமுக மாகி முந்தவே.

     (பொ-நி.) உபய பலமும் உடலு பொழுதினில்,  அபயன் விடுபடை(யும்)
ஏழ் கலிங்கமும், ஒருமுகமாகி, வாகைகொள, முந்த; (எ-று.)

     (வி-ம்.) உபயம் - இரண்டு. பலம் - சேனை. சமம் - போர். உடலுதல்-
சினந்தெழுதல். வாகை - வெற்றி. அபயன்-குலோத்துங்கன். அடைய-முழுதும்
ஒருமுகம்  ஆகி-ஒன்றுபட்டு. இதுவரை பரந்துபட்டுப்  போர்செய்த படைகள்
இரண்டும் தாம் ஒருமுகப்பட்டன என்க. முந்த-முற்பட்டுப் பொர.  
                                                       (41)