| தோற்ற இயல்பு கூறி விளித்தது | 49. | முறுவல் மாலையொடு தரள மாலைமுக | | | மலரின் மீதும்முலை முகிழினும்
சிறுநி லாவும்அதின் மிகுதி லாவும்என
வருந லீர்கடைகள் திறமினோ. |
(பொ-நி) முறுவல்மாலையொடு தரளமாலை, சிறுநிலாவும் மிகு
நிலாவுமென வருநலீர் திறமின்; (எ-று.)
(வி-ம்.) முறுவல் மாலை-பல் வரிசை. தரளம்-முத்து. முகிழ்-மொட்டு.
சிறுநிலா- மூன்றாம் பிறை. மிகுநிலா-நிறை நிலா. என-என்று தோன்றுமாறு.
வரும் - நடந்து வரும். நலீர் - நல்லீர்; பெண்களே. பல்வரிசையும்,
முத்துமாலையும், பிறைநிலாவும் நிறைநிலாவும் போன்றன. பல்வரிசை
சிற்றளவினவாகலான் அது, இளம்பிறையின் ஒளிக்கும், முத்துமாலை
வட்டவடிவமாகப் பெரிதாக இருத்தலின், நிறைநிலாவின் ஒளிக்கும்
உவமையாக்கி உரைத்தார். (29) |