நாளவட் டத்தளிம் நளினத்தொ டும்துத்தி
நாகஅணையும் விட்டொர்எட்டு
நாட்டத்த னும்பரம வீட்டத்த னும்துஞ்சு
நள்இருளின் நாப்பண்அண்ட
கோளவட் டம்பழைய நேமிவட் டத்தினொடு
குப்புற்று வெற்புஎட்டும்ஏழ்
குட்டத்தி னில்கவிழ மூதண்ட வேதண்ட
கோதண்ட மோடுசக்ர
வாளவட் டம்சுழல மட்டித்து நட்டமிடு
மதுமத்தர் சுத்தநித்த
வட்டத்தி னுக்குஇசைய ஒற்றிக்க னத்ததன
வட்டத்தை ஒத்திட்டதுஓர்
தாளவட் டம்கொட்டு கைப்பாணி ஒப்பஒரு
சப்பாணி கொட்டிஅருளே
தமிழொடு பிறந்துபழ மதுரையில் வளர்ந்தகொடி
சப்பாணி கொட்டிஅருளே |