உருகி உருகி நெக்கு நெக்குஉள்
உடைந்து கசிந்திட்டு அசும்புஊறும்
உழுவல் அன்பின் பழஅடியார்
உள்ளத் தடத்தில் ஊற்றுஎடுத்துப்
பெருகு பரமா னந்தவெள்ளப்
பெருக்கே சிறியேம் பெற்றபெரும்
பேறே ஊறு நறைக்கூந்தல்
பிடியே கொடிநுண் நுசுப்புஒசிய
வருகுங் குமக்குன்று இரண்டுஏதந்து
மலர்ப்பூங் கொம்பே தீங்குழலின்
மதுரம் கனிந்த பசுங்குதலை
மழலை அரும்பச் சேதாம்பல்
முருகு விரியும் செங்கனிவாய்
முத்தம் தருக முத்தமே
முக்கண் சுடர்க்கு விருந்திடும்மும்
முலையாய் முத்தம் தருகவே |