கொழுதி மதர்வண்டு உழக்குகுழல்
கோதைக்கு உடைந்த கொண்டலும்நின்
குதலைக் கிளிமென் மொழிக்குஉடைந்த
குறுங்கண் கரும்பும் கூன்பிறைக்கோடு
உழுத பொலன்சீ றடிக்குஉடைந்த
செந்தா மரையும் பசுங்கழுத்துக்கு
உடைந்த கமஞ்சூல் சங்கும்ஒழுகு
ஒளிய கமுகும் அழகுதொய்யில்
எழுது தடந்தோள்கு உடைந்ததடம்
பணையும் பணைமென் முலைக்குஉடைந்த
இணைமா மருப்பும் தருமுத்துஉன்
திருமுத்து ஒவ்வா இகபரங்கள்
முழுதும் தருவாய் நின்கனிவாய்
முத்தம் தருக முத்தமே
முக்கண் சுடர்க்கு விருந்தும்இடும்மும்
முலையாய் முத்தம் தருகவே |