கரைக்கும் கடாம்இரு கவுள்குடம் உடைந்துஊற்று
களிறுபெரு வயிறு தூர்ப்பக்
கவளம் திரட்டிக் கொடுப்பதுஎன வும்சூழ்ந்தொர்
கலைமதிக் கலசஅமுதுக்கு
இரைக்கும் பெருந்தேவர் புன்கண் துடைத்திட
எடுத்தஅமுத கலசம்வெவ்வேறு
ஈந்திடுவது எனவும்முழு முத்திட்டுஇழைத்திட்ட
எறிபந்தின் நிரைஎன்னவும்
விரைக்கும் தளிர்க்கைக் கொழுந்தா மரைத்துஞ்சி
மீதுஎழுந்து ஆர்த்தபிள்ளை
வெள்ஓ திமத்திரள் இதுஎனவும் கரும்பாறை
மீமிசைச் செஞ்சாந்துவைத்து
அரைக்கும் திரைக்கைவெள் அருவிவை கைத்துறைவி
அம்மானை ஆடியருளே
ஆகம் கலந்துஒருவர் பாகம் பகிர்ந்தபெண்
அம்மானை ஆடியருளே |