மறிக்கும் திரைத்தண் புனல்வைகை
வண்டல் இடுமண் கூடைகட்டி
வாரிச் சும்ந்தோர் அம்மைதுணை
மணிப்பொன் குடத்தில் கரைதூற்றும்
வெறிக்குங் குமச்சேறு எக்கரிடும்
விரைப்பூந் துறைமண் பெறின்ஒருத்தி
வெண்பிட்டு இடவும் அடித்துஒருவன்
வேலை கொளவும் வேண்டும்எனக்
குறிக்கும் இடத்தில் தடம்தூநீர்
குடையப் பெறின்அக் கங்கைதிருக்
கோடீ ரத்துக் குடியிருப்பும்
கூடா போலும் பொலன்குவட்டுப்
பொறிக்கும் சுறவக் கொடிஉயர்த்தாய்
புதுநீர் ஆடி அருளுகவே
பொருநைத் துறைவன் பொற்பாவாய்
புதுநீர் ஆடி அருளுகவே |