(வேறு) சொற்கொடி யோடு மலர்க்கொடி கொய்து
தொடுத்த விரைத்தொடையும்
சுந்தரி தீட்டிய சிந்துர மும்இரு
துங்கக் கொங்கைகளின்
விற்கொடி கோட்டிய குங்கும மும்குடை
வெள்ளம் கொள்ளைகொள
வெளியே கண்டுநின் வடிவழகு ஐயன்
விழிக்கு விருந்துசெய
இல்கொடியோடு கயல்கொடி வீரன்
எடுத்த கருப்புவிலும்
இந்திர தனுவும் வணங்க வணங்கும்
இணைப்புரு வக்கொடிசேர்
பொற்கொடி இமய மடக்கொடி வைகைப்
புதுநீர் ஆடுகவே
பொருநைத் துறையொடு குமரித் துறையவள்
புதுநீர் ஆடுகவே |