கடுந டைச்சிந் துரம ருப்பின்
            கதிர்கொள் முத்துஞ் சரவைநீள்
        கடல ளிக்கும் பணில முத்தும்
            கழையின் முத்தும் கரடுவான்

        உடுமு கட்டம் புயல்க ருக்கொண்
            டுமிழு முத்தம் கருகல்தேன்
        ஒழுகு பொற்பங் கயம டல்தந்
            தொளிரு முத்தந் திருகல்காண்

        படுக ரைக்குண் டகழி நத்தின்
            பரிய முத்தந் தெரியவே
        பரவை யெற்றுந் திரைகொ ழிக்கும்
            படியில் முத்தஞ் சிறுமகார்

        கொடுப ரப்பும் பதிபுரக்குங்
            குமர முத்தம் தருகவே
        குறுமு னிக்குந் தமிழு ரைக்குங்
            குழவி முத்தம் தருகவே.