விடமொழுகு துளைமுள் எயிற்றுவன் கட்செவி
            விரிக்கும் பணாடவியறா
        மென்பொறி உடற்பெரும் பகுவாய் அராவடிவை
            வெம்பசி எடுத்து வெம்பிக்

        குடதிசைக் கோடையைப் பருகிக் குணக்கெழுங்
            கொண்டலை அருந்திவாடைக்
        கொழுந்தையுந் தென்றலையும் அள்ளிக் குடித்துக்
            கொழுங்கதிரை உண்டதினியுன்

        இடமொழிய வேறோர் இலக்கில்லை நீயதற்
            கெதிர்நிற்க வல்லையல்லை
        இவனுடன் கூடிவினை யாடிநீ யிங்கே
            இருக்கலாம் இங்குவந்தால்

        அடல்புனையு மயிலுண் டுனக்குதவி ஆகையால்
            அம்புலீ ஆடவாவே
        அரவின்முடி நெளியமயில் முதுகில்வரு குமரனுடன்
            அம்புலீ ஆடவாவே