காவான பாரிசா தத்தருக் குலநிழற்
            கடவுள் தெரு வீதிதோறுங்
        கடிமணப் புதுமங் கலத்தொனி முழக்கமுகை
            கட்டவிழ்த் திதழுடைக்கும்

        பூவாரி லைத்தொடையல் அளகா புரேசன்
            புரந்தொறுங் குளிறுமுரசம்
        பொம்மென முழக்கமன் மதனுடைய பல்லியப்
            பொங்குதெண் திரைமுழக்கப்

        பாவாணர் மங்கலக் கவிவாழி பாடிப்
            பரிந்துதிண் டிமமுழக்கப்
        பரவரிய திருவிழா என்று பல பல்லியம்
            பட்டினந் தொறுமுழக்கத்

        தேவாதி தேவருயர் சதுமறை முழக்கநீ
            சிறுபறை முழக்கியருளே
        செருவிலெதிர் பொருதபர நிருதர்குல கலகனே
            சிறுபறை முழக்கியருளே.