அறந்தரு புரந்தரா தியருலகில் அரமகளிர்
            ஆடுமணி யூசல்சிற்றில்
        அம்மனை கழங்குபல செறியுந் தடஞ்சாரல்
            அருவிபாய் பரங்கிரியுமுட்

        புறந்தரு புனிற்றுவெள் வளைகடல் திரைதொறும்
            பொருதசீ ரலைவாயுமென்
        போதுகமழ் திருவாவி னன்குடியும் அரியமறை
            புகலுமே ரகமுமினிமைக்

        குறந்தரு கொடிச்சியர் பெருங்குரைவ முறைகுலவு
            குன்றுதோ றாடலுந்தண்
        கொண்மூ முழங்குவது கண்டின மெனக்கரட
            குஞ்சரம் பிளிறுமரவம்

        சிறந்தபழ முதிர்சோலை மலையும் புரந்தநீ
            சிறுபறை முழக்கியருளே
        செருவிலெதிர் பொருதபர நிருதர்குல கலகனே
            சிறுபறை முழக்கியருளே.