தவனனிர தப்புரவி வலமுறையில் வட்டமிடு
            தருணவட வெற்பசையவே
        தமரதிமி ரத்துமிதம் எறியுமக ரப்பெரிய
            சலதியொலி யற்றவியவே

        புவனமுழு தொக்கமணி முடிமிசை இருத்துபல
            பொறியுரகன் அச்சமுறவே
        புணரியிடை வற்றமொகு மொகுமொகுவெனப்பருகு
            புயலுருமு வெட்கியிடவே

        பவனனு மிகுத்தகடை யுகமுடி வெனப்பெருமை
            பரவியடி யிற்பணியவே
        படகநிபி டத்துழனி அசுரர்வெரு விக்கரிய
            பரியவரை யிற்புகுதவே

        சிவனருள் மதிக்கவரு முருககும ரக்கடவுள்
            சிறுபறை முழக்கியருளே
        திரளுமணி முத்தையலை யெறியுநக ருக்கதிப
            சிறுபறை முழக்கியருளே