சகரமக ரச்சலதி உலகுதனில் இப்பொழுது
            சருவிய புறச்சமயநூல்
        தலையழிய முத்திதரு சிவசமய முத்தர்பெறு
            தவநெறி தழைத்துவரவே

        அகரஉக ரத்தில்விளை பொருளடைவு பத்தியுறும்
            அடியவர் தமக்கருளவே
        அமரருல கத்தவரும் எவருமரு விப்பரவி
            அடியிணை தனைப்பணியவே

        பகரவு நினைத்திடவும் அரிதுனது சொற்பெருமை
            பரகதி அளிக்குமெனவே
        பலபல முனித்தலைவர் அனைவரும் உனக்கினிய                         பணிவிடை தனைப்புரியவே

        சிகரபர வெற்பில்வரு முருககம ரக்கடவுள்
            சிறுபறை முழக்கியருளே
        திரறுமணி முத்தையலை யெறியுநக ருக்கதிப
            சிறுபறை முழக்கியருளே.