கட்டளைக் கலித்துறை 474. | வாடிய நுண்ணிடை வஞ்சியன்னீர்தில்லை மன்றினுணின் | | றாடிய கூத்த னலர்விழி முன்றி லரும்பகலும் | | நீடிய கங்குலுங் கண்ணிரண்டாலுற நெற்றிக்கண்ணாற் | | கூடிய தீப்பொழு தாகுங்கொன் மாலைக் கொடும்பொழுதே. |
நேரிசையாசிரியப்பா 475. | கொடியு முரசுங் கொற்றவெண் குடையும் | | பிறர்கொளப் பொறா அன்றானே கொண்டு | | பொதுநீங்கு திகிரி திசைதிசை போக்கிச் | | செவியிற் கண்டு கண்ணிற் கூறி | 5 | இருநிலம் புரக்கு மொருபெருவேந்தன் | | மிக்கோ னொருவன் வெறுக்கை நோக்குழித் |
474. தலைவி மாலைப்பொழுதுகண்டிரங்கல்.
வஞ்சியன்னீரென்றது தோழியரை; வஞ்சி - வஞ்சிக்கொடியை. வலக் கண்ணாற் பகலும், இடக்கண்ணால் இரவும் உண்டாயின (547.) நெற்றிக்கண் அக்கினியாதலின் தீப்பொழுது உண்டாயிற்று; தீப்பொழுது - விரகத் தீயை எழுப்பும் பொழுது, தீய பொழுது, பகலையும் இரவையும் இரண்டு கண்கள் செய்ய, அவ்விரண்டு பொழுதுகளுக்கும் இடையேயுள்ள மாலைப்பொழுதை அவ்விரண்டு கண்களுக்கும் இடையே்யுள்ள நெற்றிக்கண் உண்டாக்கிய தென்றது ஒருநயம்.
475. அவாவின்மையை வேண்டுகின்றார்.
(அடி, 1-13) அரச பதவியிலுள்ளோரும் சிந்தை நிறைவின்றி அவாவினாற் கவலையுற்றுத் துன்புறுதல் கூறப்படும்.
(1) கொற்றம் - அரசுரிமை.
(2) பிறர்கொளப் பொறாஅன்: “போகம் வேண்டிப் பொதுசொற் பொறாஅன்” (புறநா. 8:2.) (பி-ம்.) ‘பெறாஅன்’.
(1-3) “பொதுமொழி பிறர்க்கின்றி முழுதாளுஞ் செல்வர்க்கு” (கலி. 68); “தெண்கடல் வளாகம் பொதுமை யின்றி, வெண்குடை நிழற்றிய வொருமை யோர்க்கும்” (புறநா. 189: 1-2) பொது நீங்கி திகிரி - ஏக சக்கராதிபத்தியம்; “வலநேமி தனிகோலு குலதீபன்” (தக்க. 2).
(4) செவியிற் கண்டு - ஒற்றர் மூலமாகக் கேட்டறிந்து, கண்ணிற் கூறி - குறிப்பால் அறிபவர்களுக்குச் செய்யவேண்டியவற்றைப் பார்வையாற் புலப்படுத்தி; “கண்ணிற் சொலிச்செவியினோக்கு மிறைமாட்சி” (233) என்றார் முன்னும்.
(6) மிக்கோன் - செல்வத்தால் மிக்கவன். வெறுக்கை - செல்வம்.
|