தில்லைச் சிவகாமியம்மை இரட்டைமணிமாலை
நேரிசை வெண்பா 1. | சீர்பூத்த செல்வத் திருத்தில்லை மன்றகமென் | கார்பூத்த நெஞ்சகமாகக் கைக்கொண்டாள் - ஏர்பூத்துள் | ஐய மொருங்கீன்ற வந்நுண் மருங்கொசிய | வைய மொருங்கீன்ற மான். | | | |
கட்டளைக் கலித்துறை 2. | மாகந் திருவுரு மன்றுடை யார்க்கெனின் மற்றுனக்கோர் | பாகந் தரவொர் படிவமுண் டேபர மானந்தமே | ஏகந் தருந்திரு மேனிய தாக்கிமற் றெண்ணிறந்த | ஆகந் தருவது மம்மைநின் னாடல்கொ லங்கவர்க்கே. | | | |
நேரிசை வெண்பா 3. | அங்கம் பகுந்தளித்த வம்பலத்தார்க் காம்பலங்கைச் | சங்கொன்று கொங்கைத் தழும்பொன்றே - நங்கையுனை | வந்திப்பார் பெற்றவர மற்றொருநீ வாய்த்ததிரு | உந்திப்பா ரேழு மொருங்கு. | | | |
1. கார் - ஆணவவிருள். மான் நெஞ்சகமாக் கைக்கொண்டான்.
2. மாகம் - ஆகாயம்; “மலைவில்லியார் விண்ணுரு நனைத்து” (குமர. 87). ஏகம் - ஒன்று. அவர்க்கு எண்ணிறந்த ஆகம் தருவதென இயைக்க; எண்ணிறந்த ஆகம் - இருபத்தைந்து, அறுபத்து நான்கு ஆகிய மூர்த்தங்கள்.
3. ஆம்பற்பூ உள்ளங்கைக்கு உவமை. சங்கு - வளை; இங்கே அதன் தழும்பு. மற்று: அசைநிலை. திருவுந்தியிலே வாய்த்த. சிவகாமி அம்மை தன்னை வந்திக்கும் அடியார்க்கு உலகேழும் அளிப்பாளென்றபடி.
|