4336.

     நாரண னாதியா நாடரும் பாதம்
          நான்தவத் தாற்பெற்ற நற்றுணைப் பாதம்
     ஆரணம் ஆகமம் போற்றிய பாதம்
          ஆசைவிட் டார்க்கே அணிமையாம் பாதம். ஆடிய

                    ஆடிய பாதமன் றாடிய பாதம்
                    ஆடிய பாதமன் றாடிய பாதம்.

உரை:

     நாரணனாதியர் - திருமால் முதலிய தேவதேவர்கள். நாடரும் பாதம் - நாடியடைதற் கரிய திருவடி. ஆரணம் - இருக்கு முதலிய வேதங்கள். ஆசை விட்டவர் - ஐம்புலன்கள் மேற் செல்லும் ஆசையை விட்டவர்; முற்றத் துறந்த முனிவரர்கள்.

     (16)