|
5533. ஆளுடையான் நம்முடைய அப்பன் வருகின்ற
நாள்எதுவோ என்று நலியா தீர் - நீள
நினையாதீர் சத்தியம்நான் நேர்ந்துரைத்தேன் இந்நாள்
அனையான் வருகின்றான் ஆய்ந்து.
உரை: நம்மை ஆட்கொண்டு அருளுபவனும் நம்முடைய தந்தையுமாகிய சிவபெருமான் நம்பால் வருகின்ற நாள் எந்நாளோ என்று எண்ணி வருந்த வேண்டாம்; அது பற்றி நெடிது நினைந்து வருந்தவும் வேண்டாம்; நான் உண்மையை உணர்ந்து உரைக்கின்றேன்; அவன் இந்நாளே வருகின்றான் என அறிமின். எ.று.
ஆளுடையான் - தனது பேரருளால் நம்மை ஆண்டருளும் முதல்வன். நலிதல் - வருந்துதல். அவன் என்பது அனையான் என வந்தது. ஆய்ந்து நேர்ந்துரைத்தேன் என இயையும். நீள நினைத்தல் - நெடிது நினைந்து வருந்துதல். (47)
|