5249.

     தேவ கலாநிதியே ஜீவ தயாநிதியே
          தீன சகாநிதியே சேகர மாநிதியே
     நாவல ரோர்பதியே நாரி உமாபதியே
          ஞான சபாபதியே ஞான சபாபதியே.

உரை:

     தேவ கலைகளுக்கெல்லாம் செல்வமாக இருப்பவனே; ஜீவ கலைகளுக்கெல்லாம் செல்வமாக இருப்பவனே; ஏழைகளுக்கெல்லாம் உபாய நிதியாக இருப்பவனே; உச்சி மேற்கொள்ளப் படுகின்ற உயர்ந்தோர் செல்வமே; சொல்ல வல்லவர்களுக்கெல்லாம் தலைவனே; தேவியாகிய உமாதேவிக்குத் தலைவனே.

     (9)