அவப்பொழுது போனதன்றி மறைமுடிவை
      யுளங்கனிய வறிவி லுன்னித்
தவப்பொழுதுங் கணப்பொழுதுங் கண்டறியாப்
      பாவியெனைச் சார்ந்தா ரன்றோ
சிவக்கொழுந்தி னடிமையென்று பெயரிட்டு
      வேலைகளைச் செய்த தாகப்
பவக்கடலைக் குளப்படிபோல் தாண்டிவரச்
      செய்ததுன்றன் பக்தி தானே.

ராகம்- நாதநாமக்ரியை ; தாளம்- மிச்ர ஏகம்.

நந்தா நீசிவ                        பத்தன்-உன்னை
    நம்பாமலேமோச மானேனான் பித்தன் (நந்தா)

பூமிக்குள் நீயொரு                 சித்தன்-இந்தப்
    பூமிக்குநானொரு சாஸ்திரப்ர     சித்தன்
காமிக்குள்ளே வெகு                மத்தன்-உன்னைக்
    கண்டுதரிசித்தோ ரனைவரு      முத்தன் (நந்தா)

படித்துமென்ன வெங்கள்            வேதம்-அதில்
    பார்த்ததில்லையிந்தபகவனற்    கீதம்
எடுத்துச்சொன்னாய் சிவ            போதம்-அது
    ஏற்காமற்போச்சுது யென்பிடி     வாதம் (நந்தா)

தெவிட்டாத சோகமப்                பாநீ-உன்றன்
    தேகமுழுதிலுஞ் சிவன்றிரு       மேனி
பகையாகிய வொரு                 கூனி-போலே
    பழுத்தேனானாலுநீயே யாத்ம    ஞானி (நந்தா)