அல்லும்பகலோயாது அடியார்கள் கோஷ்டி
    அரகராவென்றமிர்த பானமதைப் போட்டித்
தில்லைவாழந்தணர்கள் கைபிடித்துக் கூட்டித்
    சிக்கெனவேதிரைதிறந்து பரவெளியைக் காட்டித் (தரி)

நஞ்சுண்டகண்டனுக்குக் கொன்றைமலர் சாற்றி
    நல்லதிருச்சாந்தணியு மம்பிகையைப் போற்றி
குஞ்சிதபதந்தனது மனத்திலுரு வேத்திக்
    கோபாலகிருஷ்ணன்றொழும் நடராஜ மூர்த்தி (தரி)

நந்தனார், தனக்குத் தரிசனங்கொடுக்க அம்பலவாணர் எப்போது வருவாரோவென்று
விசாரப்படுவார்.

இராகம் - ஜஞ்ஜூடி  ;  தாளம் - ஆதி.

எப்போவருவாரோ எந்தன்கலிதீர எப்போவருவாரோ.

செப்பியதில்லைச் சிதம்பரதேவன் (எப்போ)

நற்பருவம்வந்து நாதனைத்தேடும்
கற்பனைகள்முற்றக் காட்சிதந்தாள (எப்போ)

அற்பசுகவாழ்வி லானந்தங்கொண்டேன்
பொற்பதத்தைக்காணேன் பொன்னம்பலவாணன் (எப்போ)

பாலகிருஷ்ணன்போற்றிப் பணிந்திடுமீசன்
மேலேகாதல்கொண்டேன் வெளிப்படக்காணேன் (எப்போ)