இதுநல்லசமயமையா என்னைரட்சித்தாளும்
ஈச மகேச நடேச சபேச (இதுநல்ல)

பாலகிருஷ்ணன்போற்றும் பாதங்களைக்காட்டிச்
சீலமுள்ளமுத்தி சேருவதற்காக (இதுநல்ல)

நந்தனார், இவ்வளவுசொல்லியும் சுவாமி இரங்காமல் போக
வேண்டியதென்னவென்று சொல்லுகின்றார்.

ராகம் - பேஹாக்  ;  தாளம் - ரூபகம்.

இரக்கம்வாராமற் போன தென்ன காரணம்சுவாமி.

கருணைக்கடலென்றுன்னைக் காதில்கேட்டுநம்பிவந்தேன். (இ)

பழியெத்தனைநான்செய்யினும் பாவித்திடுஞ்சிதம்பரமென்று
மொழிகற்றவர்வழிபெற்றவர் கனகசபாபதி யேயின்னும் (இ)
ஆலுமருந்தியண்டருயிரை யாதரித்தவுன்கீர்த்தி
பாலகிருஷ்ணன்பாடித்தினமும் பணிந்திடும்நடராஜமூர்த்தி (இ)

அன்று மூவகை யங்கியில் வேள்விகள் தொடர்ந்தும்
குன்ற லாத்தவப் புண்ணிய மாமலை குவித்தும்
என்று மேற்பவர்க் குதவியும் வருபவர்க் கன்றி
மன்று ளாடியின் பாதத்தில் மனங்கொள வருமோ.