ஆருமிகழ்ந்துதள்ளும் நாறும்புலையனென்னை
வாரும்பரமபதஞ் சேருமென்றழைத்தது (கனவோ)

கிட்டநெருங்கிவந்து தட்டியெழுப்பியொரு
வெட்டவெளியைக்காட்டிக்கட்டளையிட்டது (கனவோ)

நந்தனார், தான் கனவில் கண்டதுபோல சுவாமி வருவாரோ வாராரோ வென்று
சஞ்சலப்படுவார்.

ராகம்- சாம  ;  தாளம் - ஆதி.

வருவாரோ வரந் தருவாரோ-எந்தன்
மனதுசஞ்சலிக்குதையோ யெப்போது (வருவா)

திருவாருந்தென்புலியூர் திருச்சிற்றம்பலவாணர்
குருநாதனாகவந்து குறைதீர்க்கக்கனவுகண்டேன்
இருவினைப்பிணிகளைக் கருவறுத்திடுகிறேன்
பயப்படாதேயென்று சொல்ல (வருவா)

மறையாலும்வழுத்தறியா மகிமைபெறுநடராஜன்
நறையூறுஞ்சேவடியை நம்பினவனல்லவோ
அனுதினஞ்சிவ சிதம்பரமென்ற
வடிமையென்றருள் புரிந்திடவிங்கே (வருவா)

பணிமார்புஞ்செஞ்சடையும் பார்க்கமனமுவந்து
பணியுங்கோபாலகிருஷ்ணன்துதிபரமதயாநிதி
பவக்கடலடிக்கடி பெருகுதுநிலைக்குமோ
மலைக்குது கரையேற்ற (வருவா)