ராகம்-ஜந்ஜூடி; தாளம் - ரூபகம்.

ஒருநாளும்வாராத பக்தன் திருநாளைப்போவாரெனும் சித்தன்
உலகெங்கும் ப்ரஸித்தம்கண்டுஒதுங்காமலிருந்தது உன்பேரில்குற்றம்

சீரேறு மிசைபாடித் திருத்தொண்டர் திருவாயி
னேரேகும்பிட வேண்டு மெனநினைந்தார்க் கதுநேர்வார்
காரேறு மெயிற்புன்கூர்க் கண்ணுதலார் திருமுன்பு
போரேற்றை விலங்கவருள் புரிந்தருளிப் புலப்படுத்தார்.

இப்படி சுவாமி சொல்ல நந்தி விலகி நின்றார்.

ராகம்-நவரோஜ்; தாளம்-ஏகம்.

நந்தி தூர விலகிநின்றார் தன்சாமி மனதைக் கண்டார்
இவன் நல்ல பக்தனென்றார் அடங்காத வெட்கங் கொண்டார்.

ராகம்-ஸாவேரி; தாளம் - ரூபகம்.

மற்றதெல்லாம் பொறுப்பேன்
முத்திநாலும் கொடுப்பேன் (மற்ற)

பக்தனுக்குக் குற்றஞ்செய்தால்
அதைப் பொறுக்கமாட்டேன் (மற்ற)