| முழுவதும் அடங்கிய ஆய்வு தொகுப்பு | 377 |
Untitled Document | 1730 | | ஈசன் அருளைப் பெறுவதிலும்
இடையே தரகர்க்கு இடமுண்டோ?
பேசின், இவர்செய் சூதுலகில்
பெரிய சூதென் றறியாயோ?
பூசு நீறும், கண்டிகையும்
புரிமுந் நூலும் பூண்டதலால்,
காசு பணத்தின் ஆசையவர்
கடந்த தில்லை இல்லையடா! | 61 |
| 1731 | | தேடும் ஈசன் திருவடியிற்
சேர வழியொன் றுண்டு, அதனை,
நீடு வழியாய்ச் சிறுவழியாய்
நிகழச் செய்வோன் நீயேயாம்;
நாடுங் கோயில் மடங்களெலாம்,
நம்பன் அடியார் அவ்வழியில்
கூடித் தங்கும் நீழல்களாம்;
குடிக்கும் தண்ணீர்ப் பந்தல்களாம். | 62 |
| 1732 | | மண்ணை மண்ணில் உதறிவிட்டு,
மாசு மறுவொன் றில்லாமல்,
விண்ணிற் செல்ல வல்லதெனில்,
விளங்கும் ஆன்மா, இப்புவியில்
நண்ணி இந்த நாள்வரையும்
நலிந்து சிறையில் இருந்ததனை
எண்ணி வெட்கம் அடையாதோ?
இதன்மேல் வெட்கம் வேறுண்டோ? | 63 |
| 1733 | | காசு பணத்தைக் கண்டவர்ஆர்?
கண்டு கறங்கிச் சுழல்பவர் ஆர்?
பூசை பலவும் புரிபவர் ஆர்?
புரிந்து பிழைகள் செய்பவர் ஆர்?
நாச நரகை வகுத்தவர் ஆர்?
நரகை எண்ணி நலிபவர்ஆர்?
ஈச னருளை அறியாத
ஏழை மனித! நீயலவோ? | 64 | |
|
|