Untitled Document
| 66. | | துன்பத்தில் நீயே துணையென்பேன்; அன்றி, வரும்
இன்பத்தில் ஏதும்உனை எண்ணுகிலேன் - அன்பற்ற
பாவஎனைப் போல் இந்தப் பாரில் ஒருவருண்டோ?
தேவிகா மாட்சியே செப்பு. |
| 67. | | மனைவி மக்களும் மாண்டு மறைந்தனர்;
வாழ்ந்த வீடும் குடியும் இழந்தனன்;
இனிய நட்பினர் யாவரும் ஏகினர்;
ஏழை ஆண்டி ஏகாங்கி ஆயினேன்;
எனையும் இந்நிலை கண்டனை, இன்னுமிங்கு
இன்ன லேதும் இழைத்திட உள்ளதோ?
உனையும் அன்னையென் றோதி அழைத்திடேன்;
உலகெ லாந்தரும் தேவிகா மாட்சியே! |
| 68. | | திண்ணமாய் வீடுதொறும் - இரந்து
திரியத் தேறி விட்டேன்;
மண்ணிலே தாயில்லாப் - பிள்ளையும்
வளர்வ துண்டலவோ? |
| 69. | | எண்ணி உனைத்தேடி - அம்மா என்று
ஏங்கி அழுதுநின்றேன்;
கண்ணுந் தெரிவதில்லை - உனக்குக்
காதும் கேட்பதில்லை. |
| 70. | | தாய்இருக் கையிலே - மிகவே
தளர்ந்து வாடுமெனில்
சேயினுக் கவளால் - உலகில்
சிறிதும் நன்மையுண்டோ? |
| 71. | | ஈன்ற பிள்ளைக்கே - கொடிய
எதிரி ஆவாயோ?
ஆன்ற உலகிலே - தாயின்
அறமும் ஈதேயோ? | |
|
|