| முழுவதும் அடங்கிய ஆய்வு தொகுப்பு | 107 |
Untitled Document
| 672 | | பதவியில்லை, பணமில்லை,
படிப்பேதும் இல்லை எமக்கு
உதவிசெய்ய உங்களுக்கு
உள்ளம் இரங்காதோ? ஐயா! |
| 673 | | வையகத்தில் ஏழைகளும்
மானிடராய்ப் பிறந்துவிட்டோம்;
உய்யவழி தேடுகின்றோம்;
உதவிசெய்ய வேண்டும், ஐயா! |
| 674 | | வேண்டாத வாதம்இன்னும்
விளைப்பீரோ? அடிகளையும்
தீண்டாமைப் பேய்க்கு உயிரைத்
தியாகமிடச் செய்வீரோ? |
| 675 | | நாடாளக் குடியரசு
நாடுவார் ஆலயத்தில்
நீடாகத் தனி அரசு
நிலைநாட்டத் துணியலாமோ? |
| 88. ஹரிஜனங்களுக்காக வருந்தல் |
| | | ("நினைப்ப தெப்போது நெஞ்சே - ஈசன் பதத்தை
நினைப்ப தெப்போது நெஞ்சே.") |
| 676 | | இந்தப் பிறப்பு வேண்டாம் - இதுவொழிய
எந்தப் பிறப்பும் வரட்டும். |
| 677 | | நொந்த புண்ணிலே எரி
பந்தம் இடுவது போல்
சந்ததம் ஹரிஜன
நிந்தனை செய்திடும் (இந்த) |
| 678 | | ஜாதி வெறியினால் வி-
ரோதிக ளாகிமக்கள்
வீதி வருவதும் அ-
நீதி என உரைக்கும் (இந்த) | |
|
|