Untitled Document
| 828 | | ஆயும் மேலதி காரிகள் வாழும்அக்
கோயில் தோறுங்கை கூப்பித் தொழுதனன்;
ஓயும் நெஞ்சுக் குறுதுசொல் வார்இலை;
ஏயும் என்விதிக் கென்செய்கு வேன்? ஐயா! |
| 829 | | நெஞ்சில் நூலை நினைப்பது விட்டு, இனிப்
பஞ்சின் நூலிற் பழகத் துணிகுவன்;
கெஞ்சு வாழ்க்கையும் கேடும் ஒழியுமே;
விஞ்சு செல்வமும் மேன்மையும் தங்குமே. |
| | 105. தீபாவளி | | | தொழிலாளி பாட்டு | | 830 | | பண்டிகை தீபாவளிப் பண்டிகையாம் - இந்தப்
பாரத நாட்டுக்கோர் பண்டிகையாம்;
தண்டிகை மன்னவர், ஏழை எளியவர்
சந்தோஷம் கொண்டாடும் பண்டிகையாம். |
| 831 | | ஆண்டிலோர் தீபா வளியாம், அடா! - அதை
ஆண்டியும் கொண்டாட வேண்டாம், அடா!
தீண்டு துயர்போகும் நாள் இதடா! - உள்ளம்
தேடித் தவித்திடும் நாள் இதடா! |
| 832 | | உற்றார் உறவினர் யாவருமே - கூடி
ஒன்றாக உண்டிடும் நாள் இதடா!
வற்றாத செல்வம் படைத்தவர்போல - நாம்
வாழ்வின் நலம்பெறும் நாள் இதடா! |
| 833 | | வாழத் தயங்கும் இக் காலத்திலே - துளி
வாழ்வை அளித்திடும் நாள் இதடா!
ஏழைக்கிரங்கி நரகாசுரன் - முன்னம்
ஈசனை வேண்டிய நாள் இதடா! |
| 834 | | சென்றதை எண்ணி வருந்தாதேடா! - இனிச்
சேர்வதும் எண்ணி நடுங்காதேடா!
இன்றைக் கிருப்பதே உண்மை, அடா! - நாளை
எப்படியோ? தெரி யாதோ, அடா! | |
|
|