:: TVU ::

முழுவதும் அடங்கிய ஆய்வு தொகுப்பு

181

Untitled Document

		178. கலைக்கதிர்
1125		ஆதி பகவன் அறவாழி அந்தணன் யாதும் உவமையிலான் இன்னருளால் - கோதின்றிப் பல்லாண்டு வாழ்கவே பாரில் 'காலைக்கதிர்' நீ எல்லோரும் போற்ற இனிது.

1126

ஆவித் துணையாய் அகிலமெலாம் காத்தருளும்
தேவிமீ னாட்சி திருவருளால் - மேவுபுகழ்ச்
செந்தமிழ் நாடு திருந்தக் 'காலைக்கதிர்' நீ
வந்துநிதம் வாழ்க வளர்ந்து.

		வேறு
1127		சிந்தைக் கினிய கட்டுரைகள் தேனார் கவிகள் கதைகளெலாம் சந்த முறவே தாங்கி நிதம் தமிழர் உள்ளம்மகிழ்வெய்த வந்து நிலவும் 'காலைக்கதிர்' நீ மயில்மீ தேறி விளையாடும் செந்தில் முருகன் திருவருளால் சிறந்து வாழ்க வாழ்கவே!

1128

புண்ணியநாள் கண்டகதிர் பொங்கலொடு வந்தகதிர்
கண்ணைக் கவரும் காலைக்கதிர் - எண்ணுமுளத்
தையமெலாம் போக்கி அறிவுச் சுடர்பரப்பி
வையமிசை வாழ்க வளர்ந்து.

1129

அறிவுப் பணியால் அனைவருக்கும் நன்மை
உரித்தாக பேரூக்கம் ஊட்டும் செறிவு மிளிர்
செந்தமிழ் யாவர்க்கும் செப்புகின்றோம் நல்வாழ்த்தை
எந்தமுளம் ஆர இயைந்து.

		179. நவ இந்தியா
1130		எவ்வுயிரும் எவ்வறமும் எக்கலையும் எத்தொழிலும் செவ்வையுறக் காத்தருளும் தெய்வமே - இவ்வுலகில் எத்திசையும் போற்ற நவஇந்தியா தொண்டாற்றி நித்தியமும் வாழவருள் நீ.